Kadrijaj: Mossigurimi i librave për nxënësit po e rëndon buxhetin e prindërve

20:16 | 26 Gusht 2023
Orgesa Haziri

Deputetja e Aleancës për Ardhmërinë e Kosovës, Time Kadrijaj, nuk është pajtuar me vendimin e Ministrisë së Arsimit që t’i subvencionojë prindërit për blerjen e teksteve shkollore për nxënësit.

Ajo ka reaguar përmes një postimi në Facebook, shkruan Arbresh.info.

Sipas saj, ky vendim po e rëndon buxhetin familjar të prindërve, që kanë më shumë se një fëmijë.

“Kjo qeveri kur është në pyetje interesi i qytetarëve nuk ka vendimmarrje dhe vonohen në vendime, kështu ata edhe më shume po e komplikojnë jetën e qytetarëve. Po sa efikase dhe sa e sigurt është që kush aplikon në platformën e-Kosova a do funksionoj dhe a do rimbursohen mjetet, apo ky është një mashtrim i radhës për blerje te kohës që ndoshta prindërit asnjëherë nuk do i marrin këto mjete”, ka shkruar ajo.


Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm